Монгол Европын харилцаа холбоо сайжирч байна

УИХ-ын гишүүн, Эдийн засгийн хөгжлийн сайд Н.Батбаяр Европын Холбооны гишүүн орнууд болон Бээжин хотоос Монгол Улсад суугаа Онц бөгөөд Бүрэн эрхт Элчин сайд нарыг өчигдөр Төрийн ордонд хүлээн авч уулзлаа.

Уулзалтад Европын Холбооны гишүүн 24 орны Элчин сайд нарт оролцлоо. Сайд Н.Батбаяр Монгол Улсын эдийн засгийн өнөөгийн нөхцөл байдал, бүтээн байгуулалтын ажлууд, хөгжлийн бодлого, хөрөнгө оруулалтын орчныг сайжруулах чиглэлээр авч хэрэгжүүлж буй арга хэмжээ, шинээр батлагдсан Хөрөнгө оруулалтын тухай хуулийн талаар мэдээлэл өгч, харилцан санал солилцсон юм.