Монгол иргэдийг хугацаанаас нь өмнө суллав

БНЧУ-ын Валдице болон Винаржице хотын хорих газарт ял эдэлж буй монгол иргэд болох Х, Э нарыг ялын хугацааны тодорхой хэсгийг эдэлсний дараа хугацаанаас өмнө суллах эсэхийг хэлэлцсэн шүүх хурал энэ сарын 17, 25-ны өдрүүдэд тус тус боллоо.

Эдгээр шүүх хуралд Прага дахь манай ЭСЯ анхаарал тавьж, төлөөлөгч биечлэн оролцуулсан бөгөөд улсынхаа хоёр иргэнийг үлдэх ялаас чөлөөлөгдсөн тохиолдолд нутаг буцаах баталгаа гаргасны үр дүнд монгол иргэдийг хугацаанаас нь өмнө суллах шийдвэрийг БНЧУ-ын шүүхээс гаргалаа.