Монгол хэлний шалгалтад бүдэрсэн 3293 сурагчаас давтан шалгалт авна

Засгийн газрын тогтоолын дагуу эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг тогтоох, сайжруулах зорилгын хүрээнд Монгол хэлбичгийн шалгалтыг элсэгч бүрээс заавал авахаар болсон. 400-гаас дээш оноо авсан шалгуулагчид элсэлтийн ерөнхий шалгалтад орно. Гэхдээ анхны жил болохоор эхний шалгалтад хангалтгүй үнэлгээ авсан элсэгчдэд 2 дахь боломжийг олгохоор болсон. Энэ дагуу эхний шалгалтад бүдэрсэн 3293 шалгуулагч давтан шалгалт өгнө. Мөн тодорхой шалтгааны улмаас бүртгэлээс хоцорсон иргэд ч хамт шалгуулах юм.