Монгол, Хятадын авто замын хилийн боомтууд ням гарагт амарна

“Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т заасны дагуу Монгол, Хятадын авто замын хилийн боомтууд Олон улсын хөдөлмөрчдийн баярыг тохиолдуулан тавдугаар сарын 1-ний өдөр амарч, тавдугаар сарын 2-ны өдөр цагийн хуваарийн дагуу ажиллана.

Харин Олон улсын хөдөлмөрчдийн баяр буюу тавдугаар сарын 1-ний өдөр Монгол, Хятадын төмөр замын боомтууд олон улсын галт тэрэгний цагийн хуваарийн дагуу иргэдэд үйлчилнэ.

ИРГЭНИЙ ХАРЬЯАЛАЛ, ШИЛЖИЛТ ХӨДӨЛГӨӨНИЙ ЕРӨНХИЙ ГАЗАР