“Монгол мал” үндэсний хөтөлбөрийн хэрэгжилтийг шүүмжлэв

“Монгол мал” үндэсний хөтөлбөрийн хэрэгжилт тааруу байгааг УИХ-ын гишүүн Ц.Дашдорж шүүмжиллээ. Хөтөлбөр хэрэгжээд таван жил болж, манай орны мал сүргийн тоо 50 саяд хүрсэн ч малчдын амьжиргаа дээшлэхгүй байна.

Уг нь энэ хөтөлбөр малчдын амьжиргааг дээшлүүлэхэд чиглэх учиртай. Гэтэл мал сүргийн тоо толгой өссөн ч малын түүхий эд болох ноос ноолуур, махны үнэ өсөхгүй байгаа нь бодлого шийдвэр нэг чигт гарахгүй байгаатай холбоотой хэмээн УИХ-ын гишүүн Ц.Дашдорж шүүмжилж байгаа юм.