“Монгол” номын нээлт Лондон хотноо боллоо

Ууганаа Рамси нь Шотландад нөхөр, хүүхдүүдийн хамт амьдардаг бөгөөд өөрийн туулж өнгөрүүлсөн амьдралаа ном болгон бичиж хэвлүүлсэн нь Шотландын Зохиолчдын Нийгэмлэгээс оны шилдэг номын шагнал хүртжээ.

Ууганаа нь Завхан аймагт төрж, дунд сургуулиа дүүргэж Улаанбаатарт дээд боловсрол эзэмшин дараа нь Британид суралцахаар очсон байна.

Зохиолч нь өөрийн номдоо монголчууд гэж ямар хүмүүс байдгийг харуулах, Монголын ахуй соёл, уламжлалт амьдралыг гадаад хүмүүст ойлгуулан таниулах зорилгоор хүүгийнхээ дурсгалд зориулж номоо бичжээ.