Монгол оймсыг урдаас оруулж ирдэггүй болохыг нь тогтоолоо

Оймс үйлдвэрлэгч “Сувд бадмаараг” ХХК-ийн үйлдвэрлэж буй бүтээгдэхүүнийг БНХАУ-аас ихээр оруулж ирэн “Монгол үйлдвэрлэв” гэсэн хаягтайгаар худалдан борлуулж байгаа талаар иргэд гомдоллож байсан. Уг гомдлын дагуу ШӨХТГ-аас холбогдох хяналт шалгалтыг хийсэн байна.

Шалгалтаар “Сувд бадмаараг” ХХК-ийн оймсны үйлдвэрт очсноор өөрийн үйлдвэр дээрээ бүтээгдэхүүнээ хийж байсныг үзэн, уг гомдол үнэн байдалд нийцэхгүй, ташаа мэдээлэл байсныг тогтоосон байна. Улмаар тус компани нь БНХАУ-аас оймс оруулж ирдэг нь батлагдаагүй тул тодруулга хийж байгаа аж.