Монгол-Оросын бизнес форум болно

ОХУ-ын Эрхүү мужийн төлөөлөгчийн газар, “Бизнес контакт” компани, Монголын үндэсний худалдаа аж үйлдвэрийн танхим хамтран энэ сарын 11-13-нд олон улсын “Ворота в Азию 2014” 23 дахь удаагийн үзэсгэлэнг зохион байгуулж буй юм.

Энэхүү арга хэмжээний үеэр гуравдугаар сарын 12-ны 10:00-13:00 цагт Монгол-Оросын бизнес форум МҮХАҮТ-ийн 507 тоотод болох бөгөөд уг форумд Москва, Кранснодар, Ростов на Дону, Кемериво, Иркутск, Екатеринбург, Ангарск, Улан-Үдэ, Беларусь зэрэг хотын хөдөө аж ахуй, хүнс, барилга, хүнд хөнгөн үйлдвэрлэл, эрчим хүч, уул уурхай, аялал жуулчлалын компаниуд оролцоно.