Монгол Улс улаанбурхан өвчнийг анагаасан дөрөв дэх орон боллоо

ДЭМБ-аас улаанбурхан өвчнийг бүрэн устгасан дөрвөн улсад гэрчилгээ өгөхөөр болжээ.

Дэлхийн эрүүл мэндийн байгууллагын баталгаажуулах хорооны шийдвэрээр улаанбурхан буюу кор өвчнийг бүрэн устгасан Австрали, Өмнөд Солонгос, Макао, Монгол гэсэн дөрвөн улсад энэхүү гэрчилгээг гардуулахаар болсон байна.

Манай оронд 2000 онд халдварт саа өвчнийг устгаж ДЭМБ-аас анх удаа гэрчилгээ авч байсан бол 14 жилийн дараа улаанбурхан өвчнийг бүрэн устгаж чадсан улсын тоонд багтаад байгаа юм.