Монгол Улсын аварга Н.Батсуурь самбо бөхийн ДАШТ-ээс хүрэл медаль хүртжээ
Багийн дүнгээр Монгол аравдугаар байрт жагссан бол бүх Оросын самбо бөхийн холбоо найман алт, зургаан мөнгө, дөрвөн хүрэл медальтай тэргүүлж, Узбекистан, Беларусь, Украин, Казакстан зэрэг орон удаалжээ.
Мэдээллийн алба
Самбо бөхийн насанд хүрэгчдийн ДАШТ Узбекистан Улсын нийслэл Ташкент хотод болж өндөрлөлөө.
Эрэгтэй, эмэгтэй спорт самбо бөхийн долоо, байлдааны самбо бөхийн долоо нийт 21 жинд манай баг тамирчид өрсөлдөж, нэг мөнгө, гурван хүрэл медаль хүртэв.
Тодруулбал, эрэгтэйчүүдийн +98 кг-ын жинд Монгол Улсын аварга Н.Батсуурь хүрэл медаль, эмэгтэйчүүдийн -72 кг-ын жинд Ц.Батцэцэг хүрэл медаль, -59 кг-ын жинд Б.Алтангэрэл, -54 кг-ын жинд Н.Баярмаа нар мөнгөн медаль тус тус хүртжээ.
Багийн дүнгээр Монгол аравдугаар байрт жагссан бол бүх Оросын самбо бөхийн холбоо найман алт, зургаан мөнгө, дөрвөн хүрэл медальтай тэргүүлж, Узбекистан, Беларусь, Украин, Казакстан зэрэг орон удаалжээ.
Тус тэмцээний шагналын сан 231 мянган ам.доллар бөгөөд алтан медалийг дөрвөн мянга, мөнгөн медалийг 3000, хүрэл медалийг 2000 ам.доллар тус тус дагалджээ.
