Монгол Улсын баатар П.Шагдарсүрэнд бэлтгэл хурандаа цол олгов

1945 оны Чөлөөлөх дайны ялалтын 70 жилийн ойг тэмдэглэн өнгөрүүлэх хүрээнд ЗХЖШ-ын дарга, хошууч генерал Д.Даваа өнөөдөр Монгол Улсын баатар, чөлөөнд байгаа дэд хурандаа П.Шагдарсүрэнд “Бэлтгэл хурандаа” цол олголоо.

Тэрбээр Халхын голын байлдаан төдийгүй, 1945 оны Чөлөөлөх дайнд оролцсон манай бахархалт ахмад үеийнхний төлөөлөл бүхий баатар хүн юм. Мөн энэ өдөр ЗХЖШ-ын удирдах бүрэлдэхүүн Монгол Улсын баатруудын үр хүүхэд, ач, зээ нарыг хүлээн авч уулзан хүндэтгэл үзүүлсэн байна.