Монгол Улсын Ерөнхийлөгч Парис хотод ажиллаж байна

Монгол Улсын Ерөнхийлөгч Ц.Элбэгдорж өнөөдөр Францын нийслэл Парис хотноо ажиллаж байна. Тус хотод өнөөдөр "Дэлхийн уур амьсгалын өөрчлөлтийн эсрэг чуулган" эхэллээ.

Дээрх арга хэмжээнд дэлхийн 160 орны удирдагч оролцож, дэлхийн дулаарал, хүлэмжийн хийн ялгаралтад нөлөөлж байгаа гол хүчин зүйл болох нүүрстөрөгчийн давхар исэл, метан зэргийг ялгаруулагч нүүрс, газрын тос, байгалийн хийн хэрэглээг бууруулах талаар хэлэлцэх юм. Энэ удаагийн чуулган “Сүүлчийн боломж” уриан дор болж байна.