Монгол Улсын гадаад өрийн хэмжээ өнгөрсөн арван жилийн хугацаанд 4 дахин нэмэгджээ

Монгол Улсын гадаад өрийн хэмжээ өнгөрсөн арван жилийн хугацаанд 4 дахин нэмэгдсэн талаар Монголбанкнаас мэдээллээ. Энэ оны эхний улирлын байдлаар гадаад өрийн хэмжээ 29.5 тэрбум ам.долларт хүрээд байна. Тухайлбал, нийт өрийн 25 хувийг Засгийн газрын өр эзэлж байгаа юм.

Эрх баригчид гадаад өрийг эргэн төлөхдөө эдийн засгийн нөхцөл байдалд сөрөг нөлөө үзүүлэхгүйгээр, дахин санхүүжилттэй хослуулах бодлого баримталж байна гэж Монголбанкны Мөнгөний бодлогын газрын захирал н.Баярдаваа хэлж байна.

Монголбанкнаас Төрөөс мөнгөний бодлогын талаар 2020 онд баримтлах үндсэн чиглэлийн төслийг боловсруулж, УИХ-д өргөн барьжээ.