Монгол Улсын ирээдүйн асуудлыг хэлэлцэх дугуй ширээний уулзалт боллоо

Өнгөрсөн Ням гарагт Монгол Улсын ирээдүйн асуудлыг хэлэлцэх дугуй ширээний уулзалт “Blue sky” зочид буудлын хурлын танхимд боллоо. Энэхүү уулзалтаар Дэлхийн эдийн засгийн чуулганы Стратегийн бодлогын баг “Монгол Улсын хөгжлийн стратегийн хувилбар” сэдвээр судалгааг хийж дотоод, гадаадын 150 гаруй удаагийн ярилцлага, асуулга, мэдээллийг үндэслэн манай улсын 2040 он хүртэлх хөгжлийн стратегийн хувилбарын төслийг боловсруулахаар ажиллаж буй юм. Тус төслийг төр, хувийн хэвшил, иргэний нийгмийн 170 гаруй төлөөлөгчдөд танилцуулж тэдний санал бодлыг сонссон байна. Уулзалтыг Монгол Улсын Ерөнхийлөгч Ц.Элбэгдорж нээж үг хэллээ.