Монголбанкны тэргүүн дэд Ерөнхийлөгчийн ажлаасаа чөлөөлөгдөх хүсэлтийг дэмжив

Монгол Улсын Их Хурлын Эдийн засгийн байнгын хорооны өнөөдрийн хуралдаанаар Монголбанкны Тэргүүн дэд ерөнхийлөгчийг чөлөөлөх тухай асуудлыг хэлэлцлээ.

Монголбанкны Тэргүүн дэд ерөнхийлөгч Б.Жавхлан ажлаас чөлөөлөгдөх хүсэлтээ УИХ-ын даргад ирүүлсэн бөгөөд Монгол Улсын Их Хурлын сонгуулийн тухай хуулийни 26.6 дахь заалтыг үндэслэн 2016 оны нэгдүгээр сарын 1-ний өдрөөс өмнө Монголбанкны Тэргүүн дэд ерөнхийлөгчийн үүрэгт ажлаасаа чөлөөлөгдөх хүсэлтээ Монголбанкны Ерөнхийлөгчтэй зөвшилцөн хүргүүлж байгаагаа хүсэлтдээ дурдсан байна.

Монголбанкны Тэргүүн дэд ерөнхийлөгчийн хүсэлтийг Байнгын хорооны хуралдаанд оролцсон гишүүд хүлээн авч үүрэгт ажлаас нь чөлөөлөхийг дэмжлээ.