Монголд их, дээд сургуулийг эмч мэргэжлээр төгсөгчийн тоо хангалттай байна

Монгол Улсын хэмжээнд их, дээд сургуулийг эмч мэргэжлээр төгсөгчийн тоо хангалттай байна. Гэтэл ажлын байран дээр эмч нарын ачаалал их байгаа нь эрүүл мэндийн салбар дахь хүний нөөцийн буруу бодлоготой холбоотой гэж Солонгос улсын Сөүлийн их сургуулийн эрүүл мэндийн боловсролын тэнхмийн дарга Жва Си Он ярилаа.

Тухайлбал, Монгол Улсад нэг эмчид нэг л сувилагч ногдож байна. Гэтэл Солонгост нэг эмчийн удирдлага дор 4 сувилагч ажилладаг. Энэ нь эмчийн ачааллыг багасгаж, эмчилгээнд сайнаар нөлөөлдөг гэлээ.