Монголоос олдсон үлэг гүрвэлийн олдворыг дуурайлган хийнэ

Монголын палеонтологи судлаачид энэ оны эхнээс “Каст макинг” нэртэй инновацийн төсөл боловсруулан, хэрэгжүүлж эхэлсэн байна. Энэ төсөл нь Монголоос олдсон үлэг гүрвэлийн олдворыг дуурайлган хийж, зарж борлуулах зорилготой юм.

Хэрвээ төсөл амжилттай хэрэгжвэл төслөөс орж ирсэн орлогыг лабораторийнхаа судалгааны тоног төхөөрөмжийн төрөл зүйлийг олшруулахад зориулна гэж Шинжлэх ухааны академийн Палеонтологийн хүрээлэнгийн дарга Х.Цогтбаатар ярилаа. Ингэснээр Монголд олсон олдворыг гадагшаа явуулж судлуулах нь багасна гэж тэрбээр үзэж байна.