Монголын жюү жицүчид Абу Дабид хүч үзэж байна

Монголын жюү жицүгийн шилдгүүд АНЭУ-ын Абу Дабид өнөөдрөөс энэ сарын 24 хүртэл үргэлжлэх "World Professional Jiu-jitsu Championship 2016" ДАШТ-д хүч үзэж байна.

Тэмцээнд манай зургаан тамирчин урилгаар оролцож байгаа бөгөөд тэдний зардлыг Дэлхийн жюү жицү бөхийн холбооноос гаргасан аж.

ДАШТ-ий эмэгтэйчүүдийн 62 кг-д Б.Буяндэлгэр, 70 кг-д Б.Хулан, эрэгтэйчүүдийн 69 кг-д Б.Эрхбаяр, 85 кг-д О.Болд-Эрдэнэ, 94 кг Г.Алтанбагана, +100 кг Ө.Сугаржаргал нар оролцож байна.