Монголын хоккейчид оноогоо тэнцүүллээ

Азийн өвлийн спортын VIII наадам Японы Саппоро хотноо үргэлжилж байна.

Өчигдөр тус наадмын хоккейн тэмцээн үргэлжлэн явагдлаа. Манай хоккейчид “В” дивизионд Тайланд, Тайвань, Хонконг, АНЭУ, Сингапурын багтай багтсан.

Өчигдөр хоккейчид Хонгконгийн багтай тоглож, 8:6 онооны харьцаагаар хожиж, хоёр дахь хожлоо авснаар хэсэгт дөрөвт бичигдлээ. Энэ хэсгийг Тайланд гурван хожилтой тэргүүлж байгаа бол Тайвань, АНЭУ, Монгол хоёр хожилтой удаалж байна.

Харин Хонгконг нэг хожилтой байгаа бол Сингапур дөрвөн тоглолтоос нэг ч ялалт авч чадаагүй байна. Манай хоккейчид маргааш сүүлийн тоглолтоо Тайвантай хийнэ.

"В" ДИВИЗОН:

• II.18 - Монгол - Тайланд 4-5

• II.20 - Монгол - Сингапур 8-0

• II.21 - Монгол - АНЭУ 3-6

• II.23 - Монгол - Хонгконг 8-6

• II.25 - Монгол - Тайвань тус тус тоглоно.