Монголын нүүрсний салбарын өрсөлдөх чадварыг дээшлүүлнэ

Монгол Улсын эдийн засагт томоохон байр суурь эзэлж, гаднын хөрөнгө оруулагчдын сонирхлыг татдаг салбар бол яах аргагүй нүүрсний салбар юм.

Нүүрсний салбарт хөрөнгө оруулагчдыг нэг дор цуглуулах дөрөв дэхь удаагийн “Coal Mongolia-2014” олон улсын чуулга уулзалт энэ сарын 20, 21-нд болно.

Тус чуулганаар нүүрсний салбарын өнөөгийн чиг хандлага, ирээдүйн төлөв байдал, нүүрсний хайгуул, олборлолт, боловсруулалтын төсөлд хөрөнгө оруулалт татах, эрхзүйн орчин, дэд бүтэц, дэвшилтэт техник технологийг нэвтрүүлэх зэрэг асуудлыг хөндөх юм.

Өнгөрсөн онд манай улс 28.6 сая тонн нүүрс олборлож, экспортод 16 сая тонн нүүрс гаргажээ.