Монголын шатрын тамирчид Норвегийн Тромсо хотыг зорилоо

Норвегийн Тромсо хотноо наймдугаар сарын 1-14-ний өдрүүдэд болох Дэлхийн шатрын 41 дүгээр олимпиадад оролцох Монголын баг тамирчид өнөөдөр эх орноосоо мордлоо. Монголын багийг Монголын шатрын холбооны тэргүүн дэд ерөнхийлөгч, Спортын мастер Ч.Чулуунбаатар ахалсан байна.

Эрэгтэй багийн дасгалжуулагчаар Үндэсний шигшээ багийн дасгалжуулагч, Их мастер Шаравдорж, эмэгтэй багийн ахлагчаар МоШХ-ны Тэргүүн дэд ерөнхийлөгч, Спортын мастер Чулуунбаатар нар ажиллах юм байна.

Эрэгтэй: Их мастер Ц.Батчулуун, Их мастер Б.Гүндаваа , ОУ-ын мастер Г.Мөнхгал, ОУ-ын мастер Д.Баттулга, Их мастер Б.Хатанбаатар, Эмэгтэй баг: Их мастер Б.Мөнгөнтуул, Их мастер Т.Батчимэг, ОУШХ-ны мастер У.Лхамсүрэн, ОУ-ын мастер Б.Анхчимэг, Спортын мастер Б.Баярмаа нар багтжээ.