Монголын шигшээ багийн дараагийн өрсөлдөгч Малайз
Тэгвэл манай залуусын дараагийн өрсөлдөгч хэсгийг тэргүүлж буй Малайзын шигшээ байх болно. Монгол Малайзын шигшээ багууд 10-р сарын 28-ы 11:00 цагаас МХБХ-ны цэнгэлдэх хүрээлэнд тоглоно.
Мэдээллийн алба
Азийн АШТ-ий урьдчилсан шатанд хүч үзэж буй Монголын 23 насны шигшээ багийн залуус тэмцээнээ амжилттай эхлүүлж, хэсгийнхээ тэргүүн баг Тайландтай 1:1-ээр тэнцээд байгаа билээ.
Тэгвэл манай залуусын дараагийн өрсөлдөгч хэсгийг тэргүүлж буй Малайзын шигшээ байх болно. Монгол Малайзын шигшээ багууд 10-р сарын 28-ы 11:00 цагаас МХБХ-ны цэнгэлдэх хүрээлэнд тоглоно.
2017 онд Монгол болон Малайзын 23 насны шигшээ багууд мөн энэ тэмцээний урьдчилсан шатанд учраа тааран тоглоход Малайз 2:0-ээр хожиж байсан удаатай.
Харин 2018 оны гуравдугаар сард Монголын үндэсний шигшээ Малайзын талбайд зочлон, ОУХБХ-ны албан ёсны нөхөрсөг тоглолт хийж 2:2-оор тэнцэж байсан билээ.
Хэсгийнхээ хоёр дахь тоглолтод Малайзын хүчтэй багийг хожиж чадвал хэсгээ тэргүүлэх сайхан боломж үүсэх учраас багийн 12 дахь гишүүн болсон үзэгч хөгжөөн дэмжигч та бүхнийг МХБХ-ны цэнгэлдэх хүрээлэнд хүрэлцэн ирж багаа дэмжихийг урьж байна.
