Монголын зохиолчдын төлөөлөл Казахстаны элчин сайдын яаманд зочилжээ

Бүгд Найрамдах Казахстан Улсаас Монгол улсад суугаа бүрэн эрхэт Элчин сайд Жалгас Жумаeвич Адилбаeвын урилгаар Монголын зохиолчдын төлөөлөл тус Элчин сайдын яаманд зочилж, ажил хэргийн уулзалт хийлээ.

Уулзалтад МЗЭ-ийн удирдах зөвлөлийн дарга Д.Цэнджав, гүйцэтгэх захирал М.Саруулдалай, ахмад зохиолч, соёлын гавьяат зүтгэлтэн Б.Монголхүү нар оролцов.

Тэдний уулзалтын гол зорилго нь Казахстан болон Монголын зохиолчдын байгууллагын хамтын ажиллагааг шинэ шатанд гаргах, ажил хэргийн тогтмол харилцаатай байх, зохиолчдынхоо бүтээл туурвилыг харилцан сурталчилахад оршсон байна.