Морь “унадаг” хэрэм

Шведийн уран барималч нэгэн эр өөрийн хайртай хэрэмнүүддээ зориулж морины баримал бүтээжээ. Тэрбээр энэ талаараа “Миний хэрэмнүүд энэхүү барималд маш дуртай. Тэд миний хийж тавьсан морьдыг унаж, дээр нь суун самар цөмөх дуртайгаас гадна хааяа харахад яг л морьтой уралдаж байгаа мэт харагддаг” хэмээн ярьжээ.

Уран барималч залуу баримал хийхийн зэрэгцээ гэрэл зураг авах хоббитой бөгөөд өөрийн хийсэн бүтээлээ харж баясахын зэрэгцээ хэрэмнүүдийнхээ сонирхолтой зургуудыг авдаг байна.