МСҮТ-ийн оюутнууд малчдад туслах аян эхлүүлжээ

Дундговь аймгийн МСҮТ-өөс санаачлан малчдад туслах аяныг сургуулийн нийт багш, сурагчдыг хамруулан зохион байгуулжээ. Аяны хугацаанд 700 гаруй мянган төгрөг цугларсан байна. Цугларсан мөнгөөр өвс, тэжээл худалдан авч аймгийн Онцгой байдлын газарт өнөөдөр хүлээлгэн өглөө.

Аймгийн Онцгой байдлын газрын дарга Я.Алтанхундага “Аймгийнхаа зудтай буюу зудархуу байгаа сумдын малчдад тус өвс, тэжээлийг хүргэх болно. Өвөлжилт хүндэрсэн хүнд хэцүү нөхцөлд тусламжийн аян өрнүүлж сайхан санаачилга гаргасан МСҮТ-ийн хамт олонд талархал илэрхийлье” гэсэн юм.