МСҮТ-ийн төгсөгчид шатлан суралцах боломжтой болно

Мэргэжлийн сургалт үйлдвэрлэлийн төвийн төгсөгчдийн 15-17 хувь нь их, дээд сургуульд үргэлжлүүлэн сурдаг гэсэн судалгаа байна. Ингэж сурснаараа мэргэжлийн боловсролын сургалтаар олж авсан мэргэжлээ ахиулан бакалаврын зэрэг эзэмшдэг туршлага байдаг аж.

Тиймээс мэргэжлийн сургалт үйлдвэрлэлийн төвийн суралцагсдыг их, дээд сургуульд эзэмшсэн мэргэжлийн дагуу сурвал мэргэжлийн ангидаа 3-р дамжаанаас нь элсэн сурах боломжийг олгоно гэж Хөдөлмөрийн яамны Мэргэжлийн боловсролын сургалтын бодлогын хэрэгжилтийг зохицуулах газрын дарга М.Жадамба ярилаа.