“Мөнх Тавилга” ХХК-аар үйлчлүүлэхгүй байхыг анхааруулж байна

Шударга өрсөлдөөн хэрэглэгчийн төлөө газраас тавилга угсарч үйлдвэрлэдэг “Мөнх Тавилга” ХХК-аар үйлчлүүлэхгүй байхыг анхааруулж байна.

Гал тогооны сайн чанарын тавилгыг хурдан шуурхай, чанартай хийж гүйцэтгэнэ хэмээн реклам сурталчилгаа цацаж олон иргэдээс урьдчилгаа мөнгө авсан хэдий ч хийж өгөөгүй байгаа “Мөнх Тавилга” ХХК-д гомдолтойолон иргэн Шударга өрсөлдөөн, хэрэглэгчийн төлөө газарт хандсан байна.

Тус компанийн захиралд иргэдийг богино хугацааны дотор хохиролгүй болго гэж үүрэгдсэн ч өнөөдрийг болтол хохирлоо төлөхгүйгээр барахгүй улсын байцаагчийн шаардлагыг үл тоож байгаа учир ийнхүү олон нийтэд сэрэмжүүлж тус байгууллагаар үйлчлүүлэхгүй байхыг анхааруулж байгаа ажээ.