МҮОХ-ны ерөнхийлөгч Д.Загдсүрэн ажлаасаа чөлөөлөгдлөө

МҮОХ-ны гүйцэтгэх зөвлөлийн хурал хуралдаж, МҮОХ-ны ерөнхийлөгч Д.Загдсүрэн эрүүл мэндийн байдлаас шалтгаалан ажлаас чөлөөлөгдөх хүсэлтээ өнөөдөр өгсөн байна.

Түүний хүсэлтийг МҮОХ-ны гүйцэтгэх зөвлөлийн гишүүд хэлэлцээд МҮОХ-ны ерөнхийлөгчийн ажлыг тэргүүн дэд ерөнхийлөгч Б.Баттүшигт түр хариуцуулахаар шийдвэрлэжээ.

Мөн МҮОХ-ны ерөнхийлөгчийг сонгох сонгууль явуулахтай холбоотой ээлжит бус гишүүдийн хурал зарлан хуралдуулах асуудлыг ойрын үед гүйцэтгэх зөвлөлийн хурлаар хэлэлцэж шийдвэрлэхээр болжээ.