МҮОХ-ны Ерөнхийлөгч Д.Загдсүрэн мэдээлэл хийлээ

Монголын Үндэсний Олимпийн хорооны Ерөнхийлөгчөөр улиран сонгогдоод буй Д.Загдсүрэн сүүлийн үед өөрийнх нь талаар олон нийтэд хүрч буй мэдээллүүдийн талаар өнөөдөр хэвлэлийн хурал хийлээ.

Тодруулбал, МЧБХ-ны Ерөнхийлөгч Д.Дагвадорж тэргүүтэй спортын холбоодын төлөөлөл түүнийг МҮОХ-ны Ерөнхийлөгчөөр ажиллах эрхзүйн үндэслэлгүй гэж үзэн, өмнө нь ял шийтгэл авч байсан хүн МҮОХ-г удирдаж байгаа нь ОУОХ-ны дүрмэнд нийцэхгүй хэмээн мэдэгдээд байсан.

Мөн түүний талаар Даамын холбооны Ерөнхийлөгч Ч.Бат-Эрдэнэ, Оюутны спортын холбооны Ерөнхий нарийн бичгийн дарга Д.Жаргалсайхан нарын удаа дараа ОУОХ-нд хүргүүлсэн захидал, Д.Дагвадоржийн Монгол Улсын Ерөнхийлөгчид хүргүүлсэн нээлттэй захидлын талаар байр сууриа илэрхийлсэн юм.

МҮОХ-ны Ерөнхийлөгч Д.Загдсүрэн МҮОХ-той эзэмшлийн бус газрын асуудал, Лондоны олимпийн үеэр тараасан чанарын шаардлага хангахгүй тараг, Спортын төв ордон дахь спортын барааны дэлгүүр, МҮОХ-ны санхүүгийн үйл ажиллагаа, ажилчдын байрны асуудал, Спортын холбоодыг Д.Загдсүрэн хувьчилсан гэх зэрэг мэдээллүүдийг ор үндэсгүй ташаа мэдээлэл хэмээн үзэж залруулга хийлээ.

МҮОХ-ны ерөнхийлөгч Д.Загдсүрэнгийн тайлбар /бүрэн эхээрээ/