МҮОХ-ны удирдлага олимпын шинэхэн медальтнуудад хүндэтгэл үзүүллээ

МҮОХ-ны Ерөнхийлөгчийн үүрэг гүйцэтгэгч Ч.Наранбаатар, Тэргүүн дэд ерөнхийлөгч, ОУОХ-ны гишүүн, "Токио-2020" Монголын багийн ахлагч Б.Баттүшиг, Ерөнхий нарийн бичгийн дарга, олимпын аварга Э.Бадар-Ууган нар "Токио-2020" олимпын мөнгөн медальт Саид Моллай, хүрэл медальт Ц.Цогтбаатар нарт хүндэтгэл үзүүллээ.

МҮОХ-ны удирдлагууд олимпын тавцанд Монгол улсынхаа нэрийг цуурайтуулсан шинэхэн медальтнууддаа талархал илэрхийлж, цаашдын спортын замнал нь улам их амжилтаар дүүрэн байхыг хүсэн ерөөв.