МҮОНРТ-ийн Техникийн төвийн захирлын сонгон шалгаруулалтад урьж байна

Монголын Үндэсний Олон Нийтийн Радио Телевизийн Техникийн төвийн захирлын сонгон шалгаруулалтад урьж байна.

НЭГ. Сонгон шалгаруулалт явуулах албан тушаал: МҮОНРТ-ийн Техникийн төвийн захирал

ХОЁР. Тавигдах шаардлага:

- Мэдээллийн технологи, харилцаа холбоо, радио телевизийн инженер мэргэжлээр бакалавр болон түүнээс дээш зэрэгтэй эсвэл эдгээрийн аль нэг чиглэлээр мэргэшсэн инженер байх,
- Мэргэжлээрээ 5-аас дээш жил ажилласан, үүнээс удирдах албан тушаалд 2-оос доошгүй жил ажилласан туршлагатай байх,
- Радио, телевизийн онцлогийн талаар мэдлэгтэй /энэ чиглэлээр ажиллаж байсан бол давуу тал болно/
- Компьютерийн хэрэглээний программуудыг бүрэн эзэмшсэн
- Англи хэлний дундаас дээш түвшний мэдлэгтэй
- Улс төрийн намын гишүүн бус байх
- Олон нийтийн радио телевизийн тухай хуулийн үзэл санааг эрхэмлэдэг байх
- Хамт олныг удирдан зохион байгуулах, багаар ажиллах, хариуцлага хүлээх болон харилцааны өндөр ур чадвартай, стратегийн болон үйл ажиллагааны төлөвлөлт хийх, хэрэгжүүлэх чадвартай байх
- Тогтвор суурьшилтай ажиллах эрмэлзэлтэй

ГУРАВ. Бүрдүүлэх материал:

• Дэлгэрэнгүй анкет /mnb.mn сайтын “Бусад” гэсэн хэсэгт буй МҮОНРТ-ийн ажилтны анкетыг бөглөх/
• Сонгон шалгаруулалтад оролцох тухай өргөдөл
• Тухайн албан тушаал дээр ажиллах үйл ажиллагааны мөрийн хөтөлбөр
• Иргэний үнэмлэхийн нотариатаар гэрчлүүлсэн хуулбар
• Их, дээд сургууль төгссөн диплом болон мэргэжлийн үнэмлэх, эрдмийн цол, зэргийн үнэмлэх, тэдгээрийн нотариатаар гэрчлүүлсэн хуулбар
• Нийгмийн даатгалын дэвтрийн нотариатаар гэрчлүүлсэн хуулбар
• Гадаад хэлний мэдлэгийн түвшин нотлох үнэмлэх, гэрчилгээ
• Гурван үеийн намтар
• Өмнө ажиллаж байсан байгууллага болон хамт олны төлөөлөгчөөс авсан хоёроос доошгүй хүний тодорхойлолт
• 4х3 хэмжээтэй 2 хувь цээж зураг

Сонгон шалгаруулалтад оролцохыг хүсэгчид дээрх материалыг бүрдүүлэн битүүмжилсэн дугтуйд хийж, доорх хаягаар 2019 оны 10 дугаар сарын 25-ны өдрийн 17:00 цагаас өмнө ирж бүртгүүлнэ үү.

Хаяг: УБ хот, Баянгол дүүрэг, Хувьсгалчдын зам - 3,

МҮОНРТ-ийн байр,

Хүний нөөцийн алба

Утас: 325802