“Мөрөөдлийн хот” хүүхдийн гар зургийн уралдаан боллоо

Хотын ирээдүйн эзэд болсон хүүхэд, багачуудын мөрөөдлийн хотын төсөөлөл, тэдний үзэл бодлоо чөлөөтэй, бүтээлч байдлаар илэрхийлэхэд урам өгөх зорилгоор “Мөрөөдлийн хот” хүүхдийн гар зургийн уралдаан 6-7, 8-9, 10-12 насны ангиллаар боллоо.

Уралдаанд Улаанбаатар, Эрдэнэт хот, Булган, Хэнтий, Увс аймгаас авьяаслаг хүүхэд, багачууд оролцож, бүтээлээ ирүүлжээ.

Бүтээлүүдийг тавдугаар сарын 19-23-ны хооронд spatial planning podcast-ын фэйсбүүк пэйж хуудсанд байршуулан, олон нийтээс санал авсан байна.

Олон нийтийн санал болон уралдаан зохион байгуулж байгаа комиссын бүрэлдэхүүний үнэлгээгээр уралдааны нийлбэр дүнг гаргасан аж.