Мөс цөмрөх аюулаас сэрэмжлүүлж байна

Өнгөрсөн өдрүүдэд цаг агаар дулаан байсантай уялдаж Сэлэнгэ мөрөн, Орхон голын дагууд мөсөн дээгүүр ус урсах үзэгдэл идэвхжсэн учир мөсний зузаан 5-10 см нимгэрсэн байна.

Түүнчлэн Завхан гол, Тайшир сум орчимд усан цахилгаан станцын нөлөөгөөр мөсөн бүрхүүл задарч урсацтай болсон тул Завхан голын дунд болон адгаар мөсөн дээгүүр ус урсах үзэгдэл ажиглагдаж мөс хэврэгшиж байна. Иймд дээрх голуудын эрэг татам дагуу нутаглаж буй малчид ард иргэдийг мөс цөмрөх болон усанд автах аюулаас болгоомжтой байхыг онцгойлон анхааруулж байна.

Ус цаг уур орчны, судалгаа мэдээллийн хүрээлэн
Ус судлалын сектор