Мянгат малчид Төрийн ордонд чуулж байна

Улсын хэмжээнд 6800 гаруй мянгат малчин байдаг. Тэгвэл өнөөдөр мянгат малчид Төрийн ордонд чуулж байна. “Монголын мянгат малчдын холбоо”-ноос зохион байгуулж байгаа энэ чуулганд 21 аймгаас ирсэн 870 гаруй малчин оролцож, малчдын өмнө тулгамдаж байгаа асуудал болоод төрөөс малчдын талаар баримталж буй бодлогын талаар хэлэлцэж байгаа юм. Энэ талаар Монголын мянгат малчдын холбооны удирдах зөвлөлийн гишүүн н.Эрдэнэбилэгээс тодрууллаа.