Н.Удвал сайд архигүй хөтөлбөрийг дэмжлээ
Тэрээр мөн Хөвсгөл аймгийн “Хүүхдэд ээлтэй аймаг” болох зорилтыг сайшаагаад Булган аймгийн “Архигүй Булган” хөтөлбөрийг эрчимжүүлэхийг хүсчээ.
Мэдээллийн алба
Эрүүл мэндийн сайд Н.Удвал, Эрүүл мэндийн яамны Бодлого төлөвлөлтийн газрын дарга Ц.Цолмонгэрэл нар энэ сарын 17-20-ны өдрүүдэд Хөвсгөл, Булган, Орхон аймагт ажиллаж, Эрүүл мэндийн салбарын шинэчлэлийн бодлогын хэрэгжилттэй танилцлаа.
Мөн орон нутгийн удирдлагууд, эрүүл мэндийн байгууллагын эмч, ажилчидтай уулзаж, санал солилцсоноос гадна энэ оныг “Эх хүүхдийн эрүүл мэндийг дэмжих жил” болгон зарласантай холбогдуулан авч хэрэгжүүлж буй ажлуудтай танилцаж, үүрэг чиглэл өгсөн байна.
Тэрээр мөн Хөвсгөл аймгийн “Хүүхдэд ээлтэй аймаг” болох зорилтыг сайшаагаад Булган аймгийн “Архигүй Булган” хөтөлбөрийг эрчимжүүлэхийг хүсчээ.
