Наадамчдад автомашины долоон төрлийн зөвшөөрөл олгож байна

Наадмын өдрүүдэд Төв цэнгэлдэх хүрээлэн болон Хүй долоон худгийн талбайд хөдөлгөөнд оролцох, зогсоолд байрлуулах автомашины зөвшөөрлийг олгож эхэлжээ.

Наадамчдад “А”-400, “Д”-100, “Ж”-170, “М”/ногоон/-3000, “М”/улаан/-1000, “Ү”-500, “Г” гэсэн долоон төрлөөр 3000 ширхэг зөвшөөрлийг борлуулах юм байна.

Олгох байдал:

“А”, “Д”, “Ж” зөвшөөрлийг Нийслэлийн Засаг даргын Тамгийн газраас тус бүр 20 мянган төгрөгөөр,

“Y зөвшөөрлийг дүүргүүд дэх Худалдаа үйлчилгээний хэлтсээс 10 мянган төгрөгөөр

“М”/улаан/, “Г” зөвшөөрлийг дүүргүүд дэх Замын цагдаагийн тасгуудаар тус бүр 10 мянган төгрөгөөр,

“М” /ногоон/ зөвшөөрлийг 3000 төгрөгөөр тус тус олгоно.

Мөн наадмын хамгаалалт орчимд зөвшөөрөлгүй тээврийн хэрэгслийг оруулахгүй бөгөөд Хэв журмыг хамгаалах, гэмт хэргээс урьдчилан сэргийлэх хяналтын камер суурилуулан хянахаар болжээ.