"Найрамдал" паркад гэрэлтүүлэг хийж байна

Чойбалсан хотын иргэд олон нийтийн амарч зугаалах бүсийн нэг болох "Найрамдал" паркад хийгдэж буй гэрэлтүүлгийн ажлын хүрээнд зам талбайн гэрэлтүүлгүүдийн суурь болон цахилгаан хангамжийн ажлыг хийж гэрэлтүүлэг суурилуулахад бэлэн болгосон билээ.

ӨМӨЗО-ны Хөлөнбуйр аймгийн Хайлаар хотоос Найрамдал паркийн гэрэлтүүлэгт зориулан 12 м өндөртэй 28 ш зам талбайн гэрэлтүүлгийн бэлэглэсэн бөгөөд энэ сарын 15-нд тус гэрэлтүүлгийг “Гэрэл сэтгэмж” ОНӨААТҮГ-ын ажилчид хүлээн авч бараа материалыг буулган "Найрамдал" паркад гэрэлтүүлэг суурилуулах ажил эхлээд байна.

Б.Отгонбавуу