Налайх-Чойрыг холбосон зам ирэх сард ашиглалтад орно
Налайх-Чойрын чиглэлийн авто замын ажил ирэх зургадугаар сарын 10-н гэхэд ашиглалтад оруулахаар төлөвлөжээ. Одоогоор авто замын ажил 90 хувийн гүйцэтгэлтэй үргэлжилж байна.
Мэдээллийн алба
“Налайхын барилгын материалын үйлдвэрлэл, технологийн парк”-аас Налайх-Чойрын чиглэлийн авто замтай холбох 4.64 км авто замын ажил 90 хувийн гүйцэтгэлтэй үргэлжилж байна.
Нийслэлийн авто замын сангийн хөрөнгөөр хийгдэж буй уг ажил нь 2018 онд эхэлж, өнөөдрийн байдлаар авто замын үндсэн бүтээн байгуулалтын ажил бүрэн дуусч, явган хүний зам, хөвөө, тоноглолын ажлууд хийгдэж байна.
Уг зам нь 40 метр өргөн, хоёр урсгал, дөрвөн эгнээтэй, явган хүний зам болон ногоон зурвастай, үйлдвэрлэл аж ахуйн газар болон бусад гудамж замын зэрэглэлтэй, хүнд даацийн автомашин зорчих цемент бетон авто зам юм.
Авто замыг 06 дугаар сарын 10 гэхэд хүлээлгэн өгөхөөр төлөвлөөд байна.
Эх сурвалж: Нийслэлийн Налайх дүүргийн Засаг Даргын Тамгын газар
