Налайх дүүрэгт 1426 хүн, Багануур дүүрэгт 1826 хүн саналаа өгчээ

Багануур, Налайх дүүрэгт иргэдийн оролцоотойгоор хот байгуулах санал асуулга өнөөдөр 7:00 цагаас эхэлсэн. 11:00 цагийн байдлаар Налайх дүүргийн санал асуулгын ирц 7.3 хувьтай буюу 1426 хүн саналаа өгчээ. Санал асуулга 21 цаг хүртэл үргэлжилнэ.

Харин Багануур дүүрэгт 1826 хүн саналаа өгч, ирц 11,24 хувьтай байна. Багануур дүүргийн санал асуулга энэ сарын 21,22-ны өдөр 07:00-20:00 цаг хүртэл хоёр өдөр үргэлжилнэ. Дээрх хоёр дүүргийн 18 нас хүрсэн иргэд цахим үнэмлэхтэйгээ харъяа хороон дээрээ очиж, саналаа өгөх юм.