“Намайг хайрлаач” хүүхдийн жагсаал болно

Өнөөдөр “Хүүхдийг зам тээврийн ослоос урьдчилан сэргийлэх өдөр” тохиож байна. Энэ өдөрт зориулан Нийслэлийн ЗЦГ-аас өнгөрсөн онд зам тээврийн ослын улмаас амь насаа алдсан хүүхдүүдийн гэгээн дурсгалыг хүндэтгэж гэрэлт зул өргөн “Намайг хайрлаач” хүүхдийн жагсаалыг Эрх чөлөөний талбайд 12.00 цагт зохион байгуулахаар болжээ.

Мөн хүүхэд, багачууд зам тээврийн осолд өртөж байгаа шалтгаан нөхцөлийг харуулсан “Хүүхэд замын хөдөлгөөн” гэрэл зургийн үзэсгэлэн гаргах, хүүхдүүдийг Замын хөдөлгөөний удирдлагын төвийн үйл ажиллагаатай танилцуулах зэрэг ажлыг хийх юм.