Намар оройн их хүйтрэлээс урьтаж цэнэг усалгааг хийх шаардлагатай

Тарьсан модыг арчлахдаа намрын улиралд цэнэг усалгааг заавал хийж, ус хөрсөнд нэвчихгүй болтол тогоог дүүртэл услаад ус, чийг өгөх зорилгоор хөлдсөн чигээр нь өвөлжүүлж орхидог.

Цэнэг усалгааг хийхдээ мод сөөгний өсөлт зогсож тайван байдалд шилжсэн үед нь хийх ёстой. Намар оройн их хүйтрэлээс урьтаж энэхүү усалгааг хийх шаардлагатай.

Зөв аргачлалаар мод тарьж, тарилтын дараах арчилгааг сайтар хийж модоо ургуулснаар тарьсан мод бүрэн гүйцэд, хоргодолгүй ургадаг өндөр ач холбогдолтойг Дундговь аймгийн Байгаль орчны газраас зөвлөлөө.