"Намрын ногоон өдрүүд" нийслэлд удахгүй эхэлнэ

Жил бүр уламжлал болон зохион байгуулагддаг “Намрын ногоон өдрүүд” арга хэмжээ энэ жил мөн есдүгээр сарын 18-24-ны өдрүүдэд болох ажээ. Арга хэмжээ нь “Алтан намар”-2013” шинэ ургацын баяр, “Эрүүл хүнс-2013” хүнсний бүтээгдэхүүний үзэсгэлэн худалдаа, “Шилмэл мал-2013” зэрэг үндсэн гурван хэсгээс бүрдэх ажээ.

Ургацын баяр, үзэсгэлэн худалдаа “Дүнжингарав” худалдааны төвд болох бол “Шилмэл мал” үзэсгэлэн худалдаа Хүй долоон худагт болох юм байна. “Шилмэл мал” үзэсгэлэн худалдаагаар шилмэл малыг дуудлага худалдаанд оруулж, үнэ хаялцуулах, малын тэжээл, эм, ном товхимолын худалдаа болно.