Наранд цохиулахаас сэргийлэх зөвлөмж

Ус, цаг уур, орчны шинжилгээний газраас мэдээлснээр ойрын өдрүүдэд хэт халах төлөвтэй байна. Тиймээс наранд цохиулахаас сэргийлэх дараах зөвлөмжийг хүргэж байна.

Даралт ихтэй өндөр настан, хүүхэд багачууд, бие тааруухан, ядаргаа ихэссэн, зүрх судасны өвчин, чихрийн шижин өвчтэй зэрэг хүмүүс гэрээс гарахыг аль болох зайлсхийгээрэй.

Мөн нарны малгай өмсөх, нарны хамгаалалтай шүхэр хэрэглэх, шингэн ус сайн уух, хурц нартай үед наранд удаан хугацаагаар явахгүй байхыг холбогдох байгууллагууд зөвлөж байна.