“Нарантуул”-ын хэргийг прокурорт шилжүүлнэ

“Нарантуул” олон улсын худалдааны төвд гарсан галын улмаас галд шатсан иргэдийн бэлэн мөнгө, мөнгөн тэмдэгтийг сольж олгох талаар Монгол банктай хэлэлцэж тохирсон гэдгийг хуулийн байгууллагынхан хэллээ. Энэ хэрэг дээр Улсын мөрдөн байцаах газрын Онц хүнд гэмт хэрэг мөрдөх хэлтсийн дарга цагдаагийн хурандаа н.Идэрцогтоор ахлуулсан баг ажиллаж байна. Хэргийн газарт холбогдох албаныхан 50 гаруй шинжилгээ хийжээ. Удахгүй хэргийг прокурорт шилжүүлнэ гэж Цагдаагийн ерөнхий газрын Хэвлэл мэдээллийн төвийн ажилтан Цагдаагийн ахмад н.Лхагвасүрэн хэллээ.