“Нарантуул” зах орчмын замын хөдөлгөөнийг хязгаарлалаа

Нарантуул” олон улсын худалдааны төвийн хүнсний захад гал гарсантай холбогдуулан зах орчмын авто замын зарим хэсгийн хөдөлгөөнийг хязгаарлаж, цагдаагийн хэв журмын хамгаалалт тогтоогоод байна.

Одоогийн байдлаар цагдаагийн албан хаагчид гал гарсан шалтгаан нөхцөл болон учирсан хохирлыг тогтоохоор мэргэжлийн байгууллагуудтай хамтран хэргийн газарт ажиллаж үзлэг, шалгалтыг эхлүүлээд байгаа.

Тус шалгалтын ажиллагааг шуурхай явуулах, аюулгүй байдлыг хангахын тулд ийн зах орчмын авто замын зарим хэсгийн хөдөлгөөнийг хязгаарлахаар болсон аж.