Нарендра Моди сар шинийн мэндчилгээ дэвшүүлэв

Дэлхийн томоохон улс орнуудын төрийн тэргүүнүүд болон олон улсын нөлөө бүхий байгууллагуудын удирдагчид сарны тооллын шинэ жилийг угтан мэндчилгээ дэвшүүлжээ.

Тэдгээрээс Энэтхэг улсын ерөнхий сайд Нарендра Модигийн мэндчилгээг онцолж байна. Тэрээр өөрийн твиттер хуудсандаа цагаан сарыг тэмдэглэж байгаа олон орны ард түмнээс онцлон Монгол, Хятад, Солонгос, Вьетнамын ард түмэнд мэндчилгээ дэвшүүлжээ. Тэрээр монголчуудад хандсан мэндчилгээндээ “Монгол Улсын Хүндэт Иргэд ээ, Цагаан сарын мэндийг хүргэж, аз жаргал, эрүүл энх, хөгжил дэвшлийг та нартаа хүсэн ерөөе” гэсэн байна.