"Нээлттэй ажлын байр" өдөрлөг болно

Өнөөдөр Чингэлтэй дүүргийн 15-р хороо, Сонгинохайрхан дүүргийн 11-р хороо болон "Хархорин зах", Баянзүрх дүүргийн 8, 12, 14, 15, 5, 22, 17, 19, 21, 23, 10-р хорооны "Иргэний танхим"-д "Нээлттэй ажлын байр" өдөрлөг зохион байгуулах гэж байна. Өдөрлөгийг Монголын хөдөлмөрийн биржүүдийн нэгдсэн холбооноос санаачлан зохион байгуулж буй юм. Мөн идэвхтэй үйл ажиллагаа явуулж буй хувийн хөдөлмөрийн биржүүд оролцож, ажил хайж буй иргэдийг ажилд зуучлах, ажиллах хүч хэрэгтэй аж ахуйн нэгжүүдэд ажилтан олж өгөх зэрэг арга хэмжээ авах юм байна. Өдөрлөг 11:00 цагаас дээрх газруудад зэрэг эхэлнэ.