Нэг сая гаруй иргэн өнөөдөр ажил, сургуулиа эхлүүлж байна

2015-2016 оны шинэ хичээлийн жилд цэцэрлэг, ерөнхий боловсролын сургууль, коллеж, их, дээд сургууль гээд бүх шатны боловсролын байгууллагад 920 мянга гаруй хүүхэд, залуус суралцана. Тэдгээрт ажиллах багш нарыг нэмээд тооцвол үндсэндээ сая гаруй иргэний ажил, сурах үйл өнөөдөр нэгэн зэрэг эхэлж байна.

БСШУ-ны сайд Гантөмөр нийслэлийн Сүхбаатар дүүргийн 31 дүгээр сургуульд зочилж, шинэ хичээлийн жилийн нээлтэд оролцлоо. Тус сургууль нь 1350 гаруй сурагчтай. Цөм хөтөлбөрийн шинэчлэлийг дэмжиж 6-11 дүгээр бүлэгтээ сонгоны ангийг нээж, математикийн гүнзгийрүүлсэн сургалттай сургууль болсон байна. Хичээлийн жилийн нээлт дээр БСШУ-ын сайд Л.Гантөмөрийн хэлсэн үгийг одоо хүргэе.