Нэг өрхийн сарын дундаж бодит мөнгөн орлого 7.9 хувиар өслөө

Монгол Улсын нэг өрхийн сарын дундаж бодит мөнгөн орлого 7.9 хувиар өсчээ. Тодруулбал, өрхийн нийгэм, эдийн засгийн 2019 оны 3 дугаар улирлын судалгаагаар нэг өрхийн сарын дундаж мөнгөн орлого 1.3 сая төгрөг болж, өмнөх оны мөн үеэс 189.2 (17.6хувь) мянган төгрөгөөр өслөө.

Үүнд цалин хөлсний орлого 106.1 (18.0хувь) мянган төгрөг, хөдөө аж ахуйн үйлдвэрлэлийн орлого 51.1 (53.3хувь) мянган төгрөгөөр өссөн нь голлон нөлөөлжээ гэж Үндэсний Статистикийн Хорооноос мэдээллээ.