Нэгдүгээр амаржих газрын шинэ барилгын хөрөнгийг бүртгэнэ

Нийслэлийн Хэвлэл мэдээлэл, олон нийттэй харилцах хэлтсийн мэдээлснээрнийслэлийн Засаг дарга Клиникийн Нэгдүгээр амаржих газрын шинэ барилгын хөрөнгийг бүртгэх тухай захирамж гаргажээ. Нийт 7 190 433 566 төгрөгийн өртөг бүхий Сүхбаатар дүүргийн 1 дүгээр хорооны нутаг дэвсгэр дэх 150 эх, хүүхэд хүлээн авах хүчин чадалтай Клиникийн Нэгдүгээр амаржих газрын шинэ барилга байгууламжийг нийслэлийн өмчид бүртгэж авахыг нийслэлийн Өмчийн харилцааны газарт даалгаж, нийслэлийн өмчид шилжүүлж авсан хөрөнгийн эзэмшилт, ашиглалтанд хяналт тавьж ажиллахыг нийслэлийн Өмчийн харилцааны газарт үүрэг болгожээ.